Leifur Eiríksson kemur alltaf aftur

Það er gott hjá Obama forseta að gera 9. október að degi Leifs Eiríkssonar.

Landnám norrænna manna er eina staðfesta heimildin um komu evrópubúa til Norður Ameríku á undan Kólumbusi.  Sönnunina fundu norskir fornleifafræðingar í L'Anse aux Meadows á sjöunda áratugnum.

Vafamál er að íslendingasögurnar einar og sér væru taldar nægileg heimild um þessa landafundi frekar írsku sagnirnar um siglingar heilags Brendans frá Írlandi til Ameríku í kring um árið 500. Við eigum það reyndar norskum fornleifafræðingum að þakka.

Líklega væri staða Íslendinga sterkari ef landnám okkar hefði tekist þarna í kring um árið 1000. Við hefðum haft nokkur hundruð ára forskot til að koma okkur fyrir og dreifa okkur yfir Norður Ameríku.  Gaman er að velta fyrir sér hvernig mannkynssagan hefði þróast ef þetta hefði gerst.

En við hrökluðumst í burtu, enginn veit nákvæmlega hvers vegna. Kannski vorum við bara komnir of langt frá upprunanum og menningunni sem tengdi norrænt fólk saman á þessum tíma.
 
Leifur Eiríksson er samt líklega sögufrægasti Íslendingurinn fyrr og síðar ásamt Snorra Sturlusyni.

Heiðraði norrænan arf Bandaríkjanna

Athugasemdir

[Valdimar Samúelsson, 9.10.2012 kl. 21:40]

Þorsteinn. Við settumst að árið 1000AD það er rétt. Við vorum þar þegar Kolumbus kom þangað og mest í kring um Rhode Island. Íslendingar eru það vitgrannastir og áhugalitlir fyrir sögu sinni að það er engu lagi líkt. Við Narragan sund sem er sundið þar sem Rhode eyjan en það fannst rúnasteinn sem þú getur lesið um hér. http://www.amazon.com/s/ref=nb_sb_noss?url=search-alias%3Ddigital-text&field-keywords=valdimar+samuelsson+&x=17&y=20

 Þessi rúna steinn hefir þrjár alíslenskar rúnir og alíslenst nafn sem er hvergi til nema á íslandi. Á þessu sama svæði hefir fundist urmull af fornum tóftum og ein er eins og tóft af íslenskri kirkju eða hofi með hringlaga hleðslu í kring. Upp í Maine fylki fannst annar rúnasteinn sem kenndur er við vatnið sem hann fannst við Spirit pond lake. Við þetta litla vatn sem stendur við árminni kennibeck á erú líka tóftir sem líkjast íslenskum þingbúðum. Það er búið að rannsaka þær fyrir löngu. Í Minnesota er annar rúnasteinn sem fannst 1898 og það eru fleiri. Þessi rúnasteinn er miðja á hring sem er svipaður og rangárhringurinn með vörður á réttum stöðum. Allir þessir rúnasteinar eru sagðir falsaðir af lærðum og ekki síst íslenskum prófessorum. Það er meira. Það eru varðaðar verslunar leiðr allt frá Leifsbúð í Nýfundnalandi og suður til RI og vestur til Minnesota í gegn um Labrador. Það eru varðaðar leiðir norður með Vesturströndinni upp til Alaska.

[Þorsteinn Sverrisson, 9.10.2012 kl. 22:26]

Sæll Valdirmar, þú heldur því sem sagt fram að norrænir menn hafi dreifst víða um Norður Ameríku.  Það veit vissulega enginn fyrir víst.  En hvers vegna hurfu þeir þá?  Og hvers vegna blönduðust gen þeirra og siðir ekki við indíána.  Hvers vegna urðu þá ekki eftir sauðfé, hross og nautgripir?  Munir úr járni o.þ.h.  Þetta vekur margar spurningar.

[Valdimar Samúelsson, 9.10.2012 kl. 22:47]

Þeir og þeirra siðir blönduðust Manda Indjánunum og örugglega fleirum. rímur þeirra finnast meðal indjánaflokka. Það voru málfræðingar sem fundu að mál margra flokka innihélt Íslensk orð. Núna bara í þessu fékk ég bréf frá RI með myndum að kross og peningum sem fundust ínn í vörðu. Það verður spennandi að vita hvað það er