Barcelona - dagur #2

Í dag byrjuðum við á því að fara á Camp nou til að líta á aðstæður. Þegar við komum að innganginum að vallarsvæðinu sáum við mikla mannmergð við hliðið. Fljótlega áttuðum við okkur á því að leikmennirnir voru að koma hver af öðrum á æfingu á flottu bílunum sínum og fólkið var að fylgjast með því. Við stoppuðum þarna stutta stund og sáum m.a. Saviola, Oleguer og Ronaldinho koma akandi inn um hliðið og veifa til aðdáendanna. Það er ekki hægt að segja annað en hér sé mikil stjörnudýrkun.  Næst fórum við á þrívíddarkvikmyndasýningu um sögu Barcelona fótboltaliðsins.  Svo gengum við um þetta stórmerkilega sögusafn klúbbsins sem reyndar státar af liðum í fleiri greinum en fótbolta, eins og körfubolta og handbolta.  Þá var farið í verslunina þar sem við létum greipar sópa.

Eftir að hafa borðað snarl um klukkan tvö pöntuðum við leigubíl til að fara með okkur í skemmtigarðinn Tibidabo sem er hér í talsverðri hæð efst í borginni.  Þetta er ákaflega fallegur staður með stórkostlegu útsýni yfir borgina. Las á netinu að þetta er hæsti fjalltoppur í Collserolla hæðunum fyrir ofan Barcelona. Strákarnir prufuðu ýmis leiktæki svo sem vatnabáta, klessubíla, rússíbana, lestir og fleira.  Þarna vorum við til klukkan sjö og enduðum á því að labba upp í afskaplega fallega kirkju sem trónir þarna efst á fjallinu.  Á hæsta kirkjuturninum er risastórt kristlíkneski. Þegar við vorum að labba niður komu brúðhjón út úr einum kirkjusalnum.  Við tókum svo rútu til baka á Katalóníutorgið og enduðum daginn á Burger King.

Búinn að setja fleiri myndir inn á sama albúmið og í gær.

Athugasemdir

[Siggi Tommi (IP-tala skráð) 28.4.2007 kl. 21:23]

Hæ, gaman að lesa ferðasöguna ykkar.

Dísa og Bjössi eru hérna hjá mér í heimsókn og sýndu mér myndirnar og lásum við saman bloggið. Dísu finnst seinni skórinn flottari og mér líka

Frábært að sjá að þið létuð greipar sópa um Barcelonabúðina - kannski fæ ég eitthvað

OK, viðurkenni að Dísa skrifaði kveðjuna, en við sendum ykkur góðar kveðjur héðan úr Víðibergi.

[Gillí (IP-tala skráð) 29.4.2007 kl. 10:48]

Frábær ferð hjá ykkur, Barcelona svíkur engan og Ramblan er dásamleg, ég sé að veðrið er líka gott svo þetta verður fullkomin ferð hjá ykkur. Takk fyrir brúðargjöfina Steini, flott bók en alltof mikið í lagt. Dísa kom hér í gær í fullt hús af karlmönnum og ég að elda mat ofan í þá alla, nóg að gera. Vonandi komið þið saman í heimsókn fljótlega.

[Þorsteinn Sverrisson, 29.4.2007 kl. 22:53]

Takk Gillí mín og til hamingju með brúðkaupið. Það hefði verið gaman að sjá þig og við verðum að hittast fljótlega. Hafðu það sem best.