Kolviður

Ég fór á vefinn www.kolvidur.is og athugaði hvað ég þyrfti að gróðursetja margar trjáplöntur til að kolefnisjafna bílinn minn svo ég komist til himnaríkis þegar ég dey. Niðurstaðan kom á óvart. Ef ég gróðurset 58 birkiplöntur binda þær 6 tonn af kolefni. Ein lítil birkiplanta sem lifir þrjá til fjóra mánuði á ári nær að binda ríflega 100 kíló af kolefni, eða næstum því kíló á dag.  Mér finnst þetta með nokkrum ólíkindum!! Eða er ég að misskilja eitthvað?

Síðan var mér boðið að greiða 8573 kr. inn á bankareikning til að kolefnisjafna.  Ég ákvað samt að bíða aðeins með það.  Þetta minnir mig nefnilega dáldið á þegar páfinn í gamla daga var að selja aflátsbréf.  Það kæmi mér ekki á óvart ef einhverntíman í framtíðinni komist menn að þvi að þetta sé röng nálgun á vandamálinu. En kannski skipti ég um skoðun þegar ég verð búinn að kynna mér þetta betur.....

Athugasemdir

[Sigrún Þöll, 22.5.2007 kl. 22:32]

Er ekki bara málið að fara í Blómaval og kaupa 58 birkiplöntur og planta á sumarbústaðarlóðina, ertu þá ekki nokkuð seif og kemst örugglega til himna ?

[Brynja Hjaltadóttir, 22.5.2007 kl. 22:39]

Hmmm athyglisvert...

[Gunnar Th. Gunnarsson, 22.5.2007 kl. 23:29]

Ég er ekki alveg að skilja útreikningana á síðunni þeirra. Samkvæmt reiknivélinni þá koma 5,7 tonn af koldíoxíði úr úrblæstri bílsins míns við brennslu 2.160 l af dísilolíu! Hvernig má þetta vera?

[Jósep Húnfjörð (IP-tala skráð) 22.5.2007 kl. 23:49]

hmm...í framhaldi af fyrri hugleiðingu þinni þá er hægt að spyrja: hvað ætli það hafi losað mörg tonn af kolefni að koma upp þessu kolefni.is verkefni?

Annars sef ég vel þ.s. samkvæmt nýjustu fréttum, þá er víst hækkun hita á jörðinni vegna aukinnar geislunar frá sólinni en ekki vegna aukinar kolefnamengunar okkar.  Grein um það m.a. í nýjasta Lifandi vísindum, tímaritinu.

ossvo....Álverið í Reyðarfirði mengar víst svipað (í Co2) og 170 þúsund bílar.  Hvað ætli það séu margar plöntur sem við Íslendingar verðum að planta þar Guð tekur okkur öll í sátt, og opnar hliðið?

[Gunnar Th. Gunnarsson, 23.5.2007 kl. 01:10]

það endar með að við sjáum ekki skógana fyrir trjánum