Dularfullt póstkort

Mér barst dularfullt póstkort í gær sem ég veit ekki hvernig á að túlka.  Það er póstlagt í Reykjavík 2x.08.2007 en ég sé ekki dagsetninguna nákvæmlega.  Framan á því er mynd af lunda og í kortinu sem reyndar er mjög vinarlegt stendur:

Kæri drengurinn okkar væni. Þessi ferð okkar hingað norður er í boði Glitnis, að við höldum! Sviplegt fráfall Skjöldu fékk mjög á okkur. Fjós eru til margs gagnleg. Í jesú nafni. amen. Nefndin. 

Kortaritarinn virðist ekki vera í miklum samskiptum við mig að öllu jöfnu þar sem hann hefur ekki vitað húsnúmerið mitt. Ég dreg þó eftirfarandi ályktanir:
1. Viðkomandi hefur rætur í sveit og sennilega mjólkað kýr á yngri árum
2. Hefur þekkt mig nokkuð lengi
3. Er lífsglaður og jákvæður
4. Hefur einlæga barnatrú og hefur líklega sungið í kirkjukór
5. Býr núna á höfuðborgarsvæðinu
6. Hefur aldrei sent mér jólakort né nokkurt póstkort áður
7. Hefur skáldagáfu og bælda þörf fyrir listræna tjáningu
8. Á amk. tvær lopapeysur
9. Drekkur töluvert en samt innan hóflegra marka
10. Hefur ekki miklar fjármagnstekjur

Ef einhver sem sér þetta getur veitt frekari upplýsingar um þetta dularfulla póstkort eru þær vel þegnar.

Athugasemdir

[Ragga (IP-tala skráð) 30.8.2007 kl. 21:22]

Með póstkortið get ég því miður ekki hjálpað þér en ég rakst hingað inn fyrir tilviljun og varð bara að kvitta við þessa skemmtilegu færslu.

[Anna Einarsdóttir, 30.8.2007 kl. 22:13]

Skemmtilegur póstur.    Maður saknar gömlu sendibréfanna hálfpartinn.

[Kristín (IP-tala skráð) 2.9.2007 kl. 20:14]

Á póststimplinum sést greinilega að kortið er póstlagt í Reykjahlíð 

[Önnur Kristín (IP-tala skráð) 2.9.2007 kl. 20:40]

Hvurra manna ertu góði minn sem veist af mjólkuðu kúnum og næstum öllum lopapeysunum? Ja, maður spyr sig.......við legspýurnar sjö vorum staddar í fjósi á norðurlandi ásamt einum homma og vorum óneitanlega öll nokkuð uppveðruð þegar hugurinn leitaði til yðar. Drottinn blessi þig og varðveiti....

[Ein legspýja (IP-tala skráð) 2.9.2007 kl. 20:49]

Vil leiðrétta eitt. Við vorum semsagt í Reynihlíð........En hvað er að frétta af Bæring?

[Kristín (IP-tala skráð) 2.9.2007 kl. 20:51]

nei, nei við vorum í vogum hjá ólafi bónda. bæring var amk ekki þar.....

[Legspýja (IP-tala skráð) 2.9.2007 kl. 20:57]

Eins augljóst og að póstkortið er póstlagt á Hótel Reynihlíð, Reykjahlíð er að dagsetningin í póststimplinum er 25.08, en sú dagsetning skiptir sköpum í þessu samhengi. Amen

[nefndin (IP-tala skráð) 2.9.2007 kl. 21:03]

í þessu samhengi er rétt að hafa í huga dalvíkurskjálftann sem skiptir, frómt frá sagt, ekki síður sköpum í einhverju óljósu samhengi. gangið á guðs vegum ævinlega.

[Sigún (IP-tala skráð) 3.9.2007 kl. 15:25]

Ég fékk sambærilegt kort af vonsviknum hesti á hvolfi sem bað að heilsa

[Þorsteinn Sverrisson, 3.9.2007 kl. 19:31]

Nú er myndin farin að skýrast. Tvær KKrriissttíínnaarr eru komnar út úr þokunni og kortið er póstlagt í Reynihlíð sunnudaginn 25 ágúst en ekki Reykjavík eins og mér sýndist. Reynihlíð er ekki stór borg og það er bara eitt pósthús í miðbænum minnir mig. Því gæti verið hægt að sjá hver póstlagði kortið í eftirlitsmyndave´lnni.  Legspýja er líklega eldri mynd orðsins Lesbía enda var einn hommi með í för og það voru einmitt Gay Pride dagar í Reynihlíð City þessa helgi.  KKrriissttíínnaarrnnaarr hafa sumC verið staddar þar en vonandi komnar heim til sín núna og búnar að jafna sig á tímamuninum.

[Legspýja (IP-tala skráð) 4.9.2007 kl. 10:22]

..ekki gleyma legspýjunum!

[Ella (IP-tala skráð) 4.9.2007 kl. 15:42]

Steini þetta er kvennmannsrithönd !!!

guð blessi þig

[Brynja Hjaltadóttir, 7.9.2007 kl. 00:04]

Pottþétt kona sem þetta ritar...sammála Ellu...