Jólastemming í sveitinni

Mikið er gaman að fá svona jólasnjó eftir rigningarnar síðustu vikur.  Við fórum austur í Úthlíð í gærkvöldi og í morgun tók ég nokkrar myndir. 


Kofinn okkar var á kafi í snjó og það þurfti að moka frá hurðinni.



Það var ró yfir kirkjunni en það verður líklega meira líf í jólamessunni á morgun.

 

Yfir golfvellinum var þykkur snjór sem er gott og vonandi helst hann sem lengst því það er gott fyrir gróðurinn. Séð vestur eftir fimmtu braut.



Það voru ekki margir á tjaldstæðunum



.... og ekki fleiri í sundlauginni



Hrossunum fannst gott að fá rúllur enda nærri hagbönn



Jesúbarnið var ekki í fjárhúsinu en þar eiga nú heima 40 lömb sem komu frá Hofi í Öræfum í haust

Athugasemdir

[Anna Einarsdóttir, 27.12.2007 kl. 01:02]

Skemmtilegar myndir og það læðist að mér löngun til að fara í fjárhús. 

[Helga R. Einarsdóttir, 27.12.2007 kl. 19:07]

Ég fæ alvarlega fortíðarþrá af fjárhúsmyndinni. Það var best af öllu - gefa á garðann, hleypa inn, sjá þær ryðjast að garðanum, og svo -- horfa á og hlusta - hamingjusamar af þessari fábrotnu tuggu lygndu þær aftur augunum, tíndu upp í sig stráin, tuggðu í fljótheitum(átti að gera betur seinna)og hættu ekki fyrr en eingöngu fíngert moðið var eftir - og varla það.

[Ragnar Geir Brynjólfsson, 28.12.2007 kl. 16:55]

Já, ég tek undir með þér Þorsteinn. Snjórinn er bara ágæt tilbreyting. Hann forðar okkur líka frá því að við þurfum að segja næstu árin að við séum svo gamlir að við munum eftir því þegar snjóaði á Suðurlandi  því nú muna allir eftir þessum snjó.

Gaman er líka að sjá að það er komið fé í fjárhúsið, sauðfjárræktin hlýtur að eiga framtíð fyrir sér á meðan land byggist og miðað við gæðin á kjötinu þá ættu afurðirnar að geta orðið eftirsóttar. Menningin sem þessi búskapargrein heldur uppi er líka skemmtileg.

Bestu jóla- og áramótakveðjur!

[Þorsteinn Sverrisson, 28.12.2007 kl. 19:13]

Bestu jólakveður sömuleiðis ágæta fólk.  Það er alltaf notalegt að fylgjast með kindum snarla góða töðu á veturnar. Minnir á gamla tíma og rætur þjóðarinnar. En snjórinn er víst á förum ef marka má nýjustu veðurspá.