Eftir veturinn kemur vor

Hlutabréf á NYSE eru að verða mjög ódýr mæld á P/E mælikvarðann. Það er hægt að finna fyrirtæki með mjög fína arðsemi eiginfjár, mikinn vöxt og hátt EBIDTA með P/E um eða undir 10.  Jafnvel fyrirtæki sem eru með góða eiginfjárstöðu og því mikið til óháð lánsfjármagni.  Það er mikil fjármunamyndun í heiminum í dag, í Kína, Indlandi, Suður Ameríku, Arabalöndunum, Austur Evrópu og víðar. Fyrr en síðar kemur að því að menn fara að fjárfesta fyrir þessa peninga. Spái því að það verði mjög mikið ris á mörkuðum loks þegar þeir taka við sér, en fyrst verða örugglega nokkrar spastískar sveiflur upp og niður.

Miklar sveiflur á mörkuðum

Athugasemdir

[Halldór (IP-tala skráð) 22.1.2008 kl. 20:50]

Já fínt já sæll en hvað með þann íslenska ? eru svipuð kauptækifæri að myndast þar ? Spyr sá sem ekki veit.

[Þorsteinn Sverrisson, 22.1.2008 kl. 21:24]

Ég er nú enginn sérfræðingur:) En það hljóta að myndast kauptækifæri hérna líka, íslenski markaðurinn virðist fylgja þeim erlendu töluvert.  Reyndar er líklega meiri óvissa með fjármálafyrirtæki en sumar aðrar atvinnugreinar.

[Jóhannes Snævar Haraldsson, 22.1.2008 kl. 21:31]

Það er bent á að stór hluti húsnæðislánana í USA gjaldfalli ekki fyrr en 2011. Ég sé því ekki hvernig markaðurinn á að fara að ná botni núna.

Hitt er að nú er tími framleiðslufyrirtækjanna runnin upp. Sjáið MAREL. Fyrirtækin sem eru að búa til vörur og selja munu halda sínu, EF, fjárhagsstaða þeirra er þannig að þau standist þann almenna neyslusamdrátt sem fylgir þegar fólk hættir að geta bruðlað eins og undanfarin ár.

[Þorsteinn Sverrisson, 22.1.2008 kl. 22:07]

Kannski fer að verða óhætt að kaupa í félögum í öruggum atvinnugreinum.  Skoðum t.d. námu- og málmvinnslufyrirtækið Southern Copper,
P/E gildi í kring um 9,
68% arðsemi eiginfjár,
59% EBIDTA
20-40% árlegur vöxtur síðustu 5 ár
8% arðgreiðslur

En það er ekkert öruggt í þessum bransa !!  Maður er búinn að tapa nógu miklu til að vita það ;( 

Hlutabréfamarkaðir eru drifnir áfram af græðgi og hræðslu og ekki á vísan að róa með neitt.

[Helga R. Einarsdóttir, 23.1.2008 kl. 16:53]

Eins gott að ég á ekkert til að tapa, mitt hlutverk í lífinu er að vinna.

En þá má spyrja, hvað vinn ég með því?

Kannski  tapa þeir sem vinna?

Og svo gæti farið að ég bara "tapaði" mér útaf þessu öllu saman.