Er þetta ekki allt sprungið í tætlur núna ?

Það vakti athygli mína í þessari frétt að sagt er "OJ287, er í öruggri fjarlægð frá okkar sólkerfi eða í 3,5 milljarða ljósára fjarlægð í stjörnumerkinu krabbanum"

Þ.e. þegar við horfum á þetta svarthol frá jörðinni núna sjáum við það eins og það var fyrir meira en 3,5 milljörðum ára.

Síðan er talið að annað svarthol muni rekast á þetta og valda gífurlegri sprengingu og sagt, "Ég þori ekki einu sinni að hugsa um það. Þetta verður ótrúlega öflug sprenging. Sem betur fer verður hún ekki á okkar tíð heldur eftir 10-20 þúsund ár"

Hefur þessi sprenging þá ekki fyrir löngu átt sér stað? Við sjáum hana bara ekki fyrr en eftir einhverja milljarða ára?

En tíminn er afstæður !!

Gríðarstórt svarthol fundið

Athugasemdir

[Gísli Garðarsson (IP-tala skráð) 26.1.2008 kl. 12:32]

Ég hugsa nú að lærðir vísindamenn hafi hugsað fyrir því og hafi reiknað með því í þessari kenningu.

[Maelstrom, 26.1.2008 kl. 13:05]

Miðað við fréttina þá erum við horfa á 3,5 ma gamla frétt.  Skv. fréttinni þá sprakk þetta líka allt saman fyrir tæplega 3,5 ma ára, en við fáum bara fréttir af því eftir 10-20þ ár.

[Marinó G. Njálsson, 26.1.2008 kl. 13:07]

Þorsteinn, skemmtileg kenning sem við höfum ekki svar við.

[Gunnar (IP-tala skráð) 26.1.2008 kl. 21:59]

Þetta er örugglega alveg rétt pæling, Þorsteinn. En ég held að þetta skipti ekki svo miklu máli af því að við getum bara upplifað og skoðað OJ287 á okkar tíma, þ.e í janúar 2008. Það er nú-ið fyrir okkur.

[Ragnar Geir Brynjólfsson, 27.1.2008 kl. 09:35]

Það vantar alveg í þessa frétt að segja nákvæmlega hvar svartholið er. Er það í okkar vetrarbraut eða ekki? Reyndar ætti maður að vita það fyrst vitað er hversu langt er þangað en það hefði verið hægara um vik ef þetta hefði fylgt með.

Það er reyndar talið að nálægt miðju okkar vetrarbrautar sé mjög mikill massi og í hverju hann felst er ekki vitað nákvæmlega en í kringum eitthvað hverfast allir þessir hlutir og haldast á braut sinni. Þar gætu allt eins verið gríðarstór svarthol, eða klasar svarthola, en samt meinhæg.

[Anna Einarsdóttir, 27.1.2008 kl. 21:18]

Úúúúúú ég þori ekki einu sinni að hugsa um þetta. 

[Linda Lea Bogadóttir, 28.1.2008 kl. 12:46]

Haha engin hætta á að við verðum vitni af þessu. - og sennilega réttilega athugað hjá þér með tímann...