Flanagan vill ekki flana að neinu..

Það er ljóst að Mark Flanagan vill ekki flana að neinu eða gana eitthvað út í óvissuna. Framsóknarmenn eru alltaf jafn hugmyndaríkir.  Fyrst láta þeir hækka húsnæðislán upp í 90% af veðhlutfalli. Svo leggja þeir til að 20% af þessum lánum verði felld niður! 

Mér finnast þessar hugmyndir um að fella niður 20% allra íbúðalána bæði óréttlátar og erfiðar í framkvæmd. Í fyrsta lagi má spyrja sig hvort 20% breyti einhverju fyrir það fólk sem er mest aðstoðar þurfi og stjórnvöld ættu að einbeita sér að því að hjálpa.

Og svo er það hvernig á að reikna þessi 20%.  Á maður sem skuldar 20 milljónir en á 10 milljónir á bankareikningi, 10 milljón króna bíl og hús á Spáni að fá jafn mikið niðurfellt og sá sem skuldar 20 milljónir og á ekki neitt?

Á að fella niður 20% skulda þeirra sem hafa tekið lán út á húsið sitt til að kaupa sumarbústað eða til að fjármagna neyslu?

Á að fella niður 20% skulda þeirra sem hafa keypt húsnæði til að leigja út?

Á að fellla niður 20% skulda þeirra sem hafa keypt sér allt of stórt húsnæði og láta þá sem sýndu meiri hófsemi greiða fyrir það?

Það eru margar hliðar á öllum málum.  Og það er því miður oft þannig með opinber afskipti að þau ná ekki markmiðum sínum og virka jafnvel stundum þveröfugt.

Þjónkun IMF við stjórnvöld

Athugasemdir

[Villi Asgeirsson, 14.3.2009 kl. 15:08]

Það er meira vit í færslunni en Framsókn. Þetta 20% dæmi er óframkvæmanlegt og óréttlátt.

[Ólafur Björnsson, 15.3.2009 kl. 21:27]

Mér sýnist að þessi hugmynd framsókanr gangi ekki upp. Þó er eitt sjónarmið í þessu sem rétt er að skoða. Það er að ef erlendir kröfuhafar afskrifa eitthvað af þessu fé sem sett var á húsnæðislánamarkaðinn(lán sem bankarnir tóku erlendis og endurlánuðu hér) þá finnst mér eðlilegt að skuldarar njóti þeirrar afskriftar.

[Helga R. Einarsdóttir, 18.3.2009 kl. 17:54]

ÆÆÆÆ - Óli minn. Eru ekki smælingjarnir hættir að gera ráð fyrir nokkru eðlilegu réttlæti?

[Þorsteinn Sverrisson, 20.3.2009 kl. 18:36]

Já það eru greinilega fleiri hliðar á þessu máli. Eins og á svo mörgum hlutum á þessu méli.

[Atli Geir (IP-tala skráð) 28.3.2009 kl. 08:46]

Það er satt að þetta virðist ekki réttlátt við fyrstu sýn, en ef þú setur málið þannig upp að í raun sé einungis verið að færa vísitöluna til 1. jan. 2008, frysta hana, þá hljómar þetta ekki svo vitlaust. Lán hafa hækkað um 20% og þá há lán meira en lág lán. Aðal vandamálið er að lánin eru ekki einungis hjá gömlu bönkunum, en ýmsir hafa bent á lausnir á þeim vanda. Ég tek fram að ég hef ekki kynnt mér málið nógu vel til að geta tekið afstöðu með eða á móti, en finnst þetta athyglisverðar tillögur.

Bendi á athyglisverðar greinar (blog) eftir Vilhjálm Þorsteinsson, Marinó Njálsson og Tryggva Þór Herbertsson.