Hvar er Hvannadalur?

Jæja, þá er komið í ljós að það verður ekki gengið á Hvannadalshnjúk á föstudaginn eins og til stóð.  Ég sem var búinn að gíra mig alveg inn á það.  En það á að gera tilraun til þess á sunnudaginn, leggja af stað klukkan 1 um nóttina !!!   Ég er að lesa mig til um fjallið núna.  Margir bloggarar hafa skrifað um gönguferðir upp á þetta hæsta fjall Íslands sem er víst 2109 metrar skv nýjustu mælingum.

En ég fór allt í einu að velta þvi fyrir mér hvar þessi Hvannadalur er, eða hefur verið, sem fjallið dregur nafn sitt af.  Ég finn hvergi neitt um það á google eða yahoo eða leit.is ???

Sé reyndar að það eru til dalir með þessu nafni hérlendis, en hvergi í nánd við Hvannadalshnjúk - reyndar einn í Suðursveit - en samt allfjarri.

Hér að neðan er hins vegar mynd frá Angelica Valley í New York fylki USA













Og þessi stúka heitir Angelica Valley og býr í Rio de Janeiro Brailíu

















Svona finnur maður margt sniðugt á leitarvélunum.

Athugasemdir

[Þorsteinn Sverrisson, 30.4.2009 kl. 18:57]

Jæja þá eru ýmsir búnir að benda mér á hvað Hvannadalur er.  Sigurpáll Ingibergsson Skaftfellingur og bloggvinur sendi mér eftirfarandi á facebook:

Hvannadalur er bakvið Svínafellsfjall. Austan undir fjallinu í 500-600 m hæð er Hvannadalur. Grösugt er þar með læknum sem rennur úr. Hvannadalskambur er fyrir dalbotni og tngist hann háum og tindóttum Hvannadalshrygg með Dyrhamri (1911 m) sem er þunn og há klettabrík með dyrum mót NV. Upp af Dyrhamri er vesturendinn á Hvannadalshnjúk.

Sigurpáll gekk á hnjúkinn þann 12. júní 2004 og tók þá þessa mynd
http://www.vatnajokull.com/hnjukurinn800.jpg

Vonandi verður jafn gott skyggni þegar við förum á sunnudaginn.