Er til einhver listi yfir þessa snillinga?

Ég var að ræða við mann núna í dag úr Nesklúbbnum sem sagði mér að félagi sinn hefði farið holu í höggi á áttundu brautinni á nesinu fyrir nokkrum árum, reyndar áður en vellinum var breytt. Ég man því miður ekki nafnið á honum.  Þeir sem hafa spilað Nesvöllinn vita að þessi par fjögur braut er ekki mjög löng en afar erfitt að hitta flötina.

Mér finnst að það ætti að vera hægt að sjá lista um þá sem hafa farið holu í höggi á par fjögur brautum á www.golf.is en ég sá það ekki!

Ásta Birna fór holu í höggi á par 4 braut

Athugasemdir

[Gíslína Erlendsdóttir, 28.8.2007 kl. 12:25]

Heitir þetta ekki einherjaklúbburinn eða eitthvað svoleiðis. Fór einu sinni á verðlaunaafhendingu fyrir alla þá sem farið höfðu holu í höggi það árið til að taka við verðlaunum fyrir vin minn. 

[Þorsteinn Sverrisson, 28.8.2007 kl. 21:59]

Í Einherjaklúbbnum eru þeir sem hafa farið holu í höggi á par þrjú brautum. Það eru alltaf nokkrir tugir manna sem ná því á hverju ári.  Ég grísaði á að fara holu í höggi fyrir nokkrum árum á Korpúlfsstöðum á 4. braut þar sem slegið er yfir lækinn.  Ásta Birna í fréttinni fór hins vegar par fjögur braut á einu höggi sem er afar sjaldgæft.