Mun sagan endurtaka sig ?

Er þriðja heimstyrjöldin við sjóndeildarhringinn? Þessi átök á milli múslima og annarra evrópubúa undanfarið minna um margt á árekstrana við gyðinga á árunum fyrir seinni heimstyrjöldina.  Þó munu gyðingar líklega ekki hafa verið jafn herskáir og múslimar núna, en engu að síður voru þeir strangtrúaðir, sérstakir og lifðu í eigin borgarhverfum talsvert einangraðir frá öðrum.

Það er alveg ljóst að þessum átökum við múslima í vestur Evrópu er ekki lokið.  Þau virðast vera að stigmagnast og sér ekki fyrir endan á þeim. Um leið og það má ekki láta múslima komast upp með að breyta okkar gildum, takmarka tjáningarfrelsi og rýra mannréttindi þá þarf að sýna þeim umburðarlyndi og gefa þeim kost á að koma undir sig fótunum.  Þetta einstigi þarna á milli virðist vera mjög erfitt að þræða og báðir aðilar eiga sök á því.

Á árunum fyrir seinni heimstyrjöldina voru allir grandalausir um þá vá sem vofði yfir. Engann óraði fyrir þeim hörmungum sem áttu eftir að gerast. Getur sagan endurtekið sig?  Auðvitað getur hún það.  Lýðræðið er alls ekki eins sjálfgefið og við höldum.  Hvað gerist ef öfga-rasistaflokkur í Danmörku, Frakklandi eða Hollandi nær meirihluta í kosningum og fer að beita múslima ofbeldi eða jafnvel hefja útrýmingu þeirra á laun, takmarka umferð um landamæri, hefta fjölmiðla og fréttaflutning, takmarka lýðræði og kosningar.

Eru hin Evrópuríkin líkleg til að grípa inn í?  Nei þau myndu líklega bara sitja hjá, halda fundi, skrifa greinar og stjórnmálamenn myndu halda ræður á þjóðþingum. Við munum eftir vandræðaganginum þegar allt var í báli og brandi á Balkanskaganum fyrir nokkrum árum. Og aðgerðaleysinu þegar nasistarnir voru að hasla sér völl. Ef svona ástand skapaðist í einu landi gæti það fengið góðan tíma til að ná fótfestu og breiðst út. Kannski þangað til allt væri komið í óefni og þær evrópuþjóðir sem enn byggju við lýðræði myndu kalla á kanana aftur til að skakka leikinn.

Evrópuþjóðir verða að búa til umhverfi þannig að innflytjendur geti aðlagast og unnið sig upp úr fátækt.  Eitt sem hægt er að gera er að lækka háan tekjuskatt sem bitnar mest á ungu fólki á ekkert nema metnað og dugnað. Annað er að aflétta hamlandi lögum um að fyrirtæki megi ekki segja upp starfsfólki sem leiðir til þess að fyrirtæki þora ekki að ráð fólk, og allra síst lítið menntað fóllk af erlendum uppruna. Þetta eru umdeildar reglur sem eiga að vernda þá sem eru verst settir en hafa þveröfug áhrif.  Hvers vegna getur fólk af ótal trúarbrögðum og enn fleiri þjóðernum búið saman í Bandaríkjunum án hliðstæðra árekstra?  Kannski er það að hluta til vegna þess að þar er auðveldara fyrir fátækt en duglegt fólk að vinna sig upp og njóta verðleika sinna. 

Grafir múslíma svívirtar

Athugasemdir

[el-Toro, 6.4.2008 kl. 17:54]

sæll Þorsteinn,

það er margt rétt sem þú segir frá.  sér í lagi hversu erfitt er fyrir vestrænar þjóðir að samþykkja fólk frá öðrum heimshlutum sem jafningja sinna og gera aðlögunina léttari.  og auðvitað getum við ekki fórnað því sem við höfum, bara svo aðrir geti aðlagast okkur.  þetta er þröngur stígur sem því miður er enginn vilji til að breikka.

eitt vill ég benda á með fyrri heimstyrjöldina.  það er að hún kom engum á óvart.  það var löngu vitað upp úr aldarmótunum hvert stefndi.  bretar og Frakkar voru orðinir pirraðir á átroðningi Þjóðverja í afríku.  en þessar þjóðir voru orðnar mikil herveldi og litu hvor aðra hornauga.  þegar prinsin í ungverjalandi og austuríki var myrtur, var það aðeins dropinn sem fyllti mælirin. 

upptök seinni heimstyrjaldarinnar hafa ekkert með ofsóknir á gyðingum að gera.  þess vegna er ekki rétt að líkja ástandinu fyrir ww2 og ástandinu nú í þeirri merkingu að þriðja heimstyrjöldin sé handan við hornið.

þriðja heimstyrjöldin verður sjálfasgt aldrei.  en auðvitað á maður aldrei að segja aldrei.  en ef af henni verður, þá verður hún ekki háð undir merkjum trúarbragða.  heldur mun frekar undir merkjum auðlynda.

í bandaríkjunum eru til löglegir innflytendur og ólöglegir innflytendur.  þar er stór munur á.  löglegir innflytjendur eiga mun auðveldara með að komast áfram, á meðan ólöglegir innflytendur verða alla tíð í þessum láglaunastörfum sem okkar vestræna þjóðfélag þarfnast svo mikið.  í evrópu er þetta ekkert frábrugðið.  meirihluti innflytenda í bandaríkjunum kom til bandaríkjana á fyrri hluta 20. aldar.  á meðan meirihluti innflytenda í evrópu er að koma til evrópulanda eftir seinni heimstyrjöldina.

[calcio (IP-tala skráð) 6.4.2008 kl. 18:18]

þetta er mjög auðvelt. Þetta lið á bara að drulla sér heim aftur !!!!

[Þorsteinn Sverrisson, 6.4.2008 kl. 18:22]

Takk fyrir ábendinguna Svavar. Það var reyndar villa í blogginu, ég sagði á einum stað fyrri heimstyrjöldin þegar ég átti við þá seinni.  Þetta eru auðvitað vangaveltur hjá mér en mér finnast vera ákveðnar hliðstæður þarna á milli.  Calcio, ekki gleyma því að Íslendingar eru innflytjendur og fólk hefur alla tíð verið að flytja sig á milli landsvæða.

[Þorsteinn Sverrisson, 6.4.2008 kl. 20:43]

Já það er rétt hjá þér salb að gyðingar voru vissulega friðsamir meðan múslimar eru margir herskáir. Gyðingar voru einnig upp til hópa efnaðir meðan evrópskir múslimar eru það sjaldan. Engu að síður finnst mér margt líkt með hatrinu á múslimum núna og gyðingum áður.

Ég er þeirrar skoðunar að það sé betra að hafa lægri tekjuskatta sem hvetja innflytjendur til sjálfshjálpar en að halda þeim uppi á velferðaraðstoð þar sem þeir missa sjálfsvirðinguna og aðlagast ekki með neinu móti þjóðfélaginu sem þeir búa í.

Sama er að segja um bókun 158. Þetta með "gildar ástæður" uppsagnar er eitthvað sem erfitt er að henda reiður á sérstaklega þegar í hlut á einstaklingur úr minnihlutahópi. Það eru dæmi um að fyrirtæki hafi lent í erfiðum málaferlum vegna þessa ákvæðis og afleiðingarnar eru þær að atvinnurekendur eru hræddir við að ráða fólk úr minnihlutahópum.

[Þorsteinn Sverrisson, 6.4.2008 kl. 21:10]

Ég er að sjálfsögðu að tala um að lækka almennt skattprósentuna til að jafna tækifæri og auka sveigjanleika. Skatttekjur ríkisisins gætu líkað hækkað við þetta eins og kom t.d. í ljós á Íslandi.  Þ.e. hægt að hafa sömu velferðaraðstöð og jafnvel auka hana. Fyrirtæki tapa alltaf á því að segja upp fólki af dutlungaástæðum þannig að ég er ekki hræddur um það.  Hvur ert þú annars salb?

[Alexander Kristófer Gústafsson, 6.4.2008 kl. 22:06]

Bull það er engin helför á leiðini

[Þorsteinn Sverrisson, 6.4.2008 kl. 22:41]

Já maður hefur því miður ekki svo mikla trú á mannkyninu að maður sé sannfærður um að það verði hérna friður og hamingja um aldur og ævi.  Grunar að þetta sé brothættara en við höldum.

En við erum heppnir kæri Salb og hinir, erum vel staðsettir í tíma og rúmi hér á Íslandi í dag. Vonum auðvitað það besta og að hér verði gott að búa áfram sem og annarsstaðar í heiminum.